অগ্নিযুগৰ ফিৰিঙতি মই
নতুন অসম গঢ়িম ।
সৰ্ব্বহাৰাৰ সৰ্ব্বস্ব পুনৰ ফিৰাই আনিম
নতুন অসম গঢ়িম
নৰকঙ্কালৰ অস্ত্ৰ সাজি শোষণকাৰীক বধিম ।
সৰ্ব্বহাৰাৰ সৰ্ব্বস্ব পুনৰ ফিৰাই আনিম ।
ধৰ্ম্ম ব্যৱসায়ীৰ ঠাই নাই তাত,
জাতিৰ অহঙ্কাৰ লয় পাব তাত।
অস্পৃশ্যতাৰ মহাদানৱক
আপোন হাতেৰে নাশিম ।
নতুন অসম গঢ়িম ।
হৰিজন, পাহাৰী, হিন্দু, মুছলিমৰ
বড়ো, কোচ, চুটিয়া, কছাৰী, আহোমৰ
অন্তৰ ভেদি মৌ বোৱাম
ভেদাভেদৰ প্ৰাচীৰ ভাঙি
সাম্যৰ সৰগ ৰচিম ।