যদি জীৱনে কান্দে নাই নাই বুলি
যদি দুখতে উৰে ধৰণীৰ ধূলি
নিৰাশাই আশাবোৰ ভাঙিব খুজিলে
মই গোৱা গীতবোৰ গাবা
এটি বগলী যদি অকলে অকলে
উৰি উৰি যোৱা দেখা সাগৰ ফালে
বিৰাটক সৰু ক্ষণে ভবাই তুলিলে
মই ৰচা গীতটি পঢ়িবা
বিচৰাটি তুমি যদি এবাৰো নোপোৱা
নিবিচৰাটিকে যদি বহুবাৰ পোৱা
বিচৰাটি ভাবি গুণি কান্দিব খুজিলে
মই হহাঁ হাঁহিটি হাঁহিবা
বহুতৰে বহু বুকু ভঙা ভঙা দেখো
সেয়েহে আশাৰে ভৰা গীতবোৰ লিখো
ভুলতেই যদি তুমি এন্ধাৰকে পোৱা
কাঁইটকে শেৱালিৰে পাহি বুলি লোৱা
তোমাৰ তেজেৰে বাট ৰঙা ৰঙা হ’লে
মই দিয়া সুৰেৰে মচিবা