সাৰ পাম মই পুৱতি নিশাতে
নিয়ৰ যেতিয়া সৰে
বাটৰ শুকান ধূলিক সেমেকা
যিটো প্ৰহৰে কৰে
আই মোক জগাবি, আই মোক জগাবি
আই মোক জগাৰিব
মই চাব খোজো হেঙুলী বেলিয়ে
এন্ধাৰ কেনেকৈ নাশে
ফুলাৰ মন্ত্ৰ কেনেকৈ সিঁচে
কুসুমৰ কাষে কাষে
উদং বতাহৰ বুকু কেনেকৈ
মিঠা সুবাসে ভৰে
সাৰ পাম মই পুৱতি নিশাতে
নিয়ৰ যেতিয়া সৰে
জানিব খুজিছোঁ গোপন মন্ত্ৰ
সৃষ্টিত থকা আই
জানিব খুজিছোঁ কি গীত গালে
শূন্য আতৰি যায়
মোৰ পণ আছে ফুলি উঠিবৰ
সূর্যমুখীৰ দৰে
সাৰ পাম মই পুৱতি নিশাতে
নিয়ৰ যেতিয়া সৰে।